تخيل عالم Elden Ring بكل غموضه وأسراره وهو بيتحول لفيلم سينمائي شكل الفكرة دي مش بعيدة زي ما كنا فاكرين، خصوصًا بعد ما جورج ر.ر. مارتن، الكاتب الشهير وراء Game of Thrones، لمح إن فيه "محادثات" عن تحويل اللعبة لفيلم

مارتن خلال IGN Fan Fest قال: "مش هقدر أقول كتير، بس فيه كلام عن تحويل Elden Ring لفيلم. مش عارف ده هيحصل ولا لأ، ولا حتى دوري فيه هيكون إيه، أنا أصلاً متأخر في كتابي الأخير!"

بس هل ينفع نحول Elden Ring لفيلم؟ اللعبة مش زي أي قصة تقليدية، التفاصيل متوزعة في العالم، ولازم تستكشف وتتفاعل مع الشخصيات وتقرأ الأوصاف عشان تفهم كل حاجة. حتى هيديتاكا ميازاكي، مخرج اللعبة، قال قبل كده إن الفكرة محتاجة "شريك قوي" عشان تتحقق.