لعبة-tomb-raider-الجديدة-عالم-مفتوح،-مجتمع-غزاة،-وكشف-أسرار-الإمبراطور-أشوكا-في-دبي-أبوظبي-ألشارقه-و-جميع-أنحاء-الإمارات

لعبة Tomb Raider الجديدة: عالم مفتوح، مجتمع غزاة، وكشف أسرار الإمبراطور أشوكا

Apr 28, 2025

من أكتر من سنتين، كريستال دايناميكس أعلنت عن جزء جديد من سلسلة Tomb Raider، والناس كلها بقت مستنية تشوف لارا كروفت هترجع بإزاي. دلوقتي، أخيرا، بدأت التفاصيل تظهر عن اللعبة الجديدة، واللي واضح إنها مش هتكون مجرد مغامرة عادية وخلاص.

اللعبة الجديدة شغّالة على محرك Unreal Engine 5 بدل محركهم القديم Foundation Engine، وده معناه إننا قدام مستوى رسومي وتقني مختلف تمامًا. كمان النشر المرة دي هيكون عن طريق أمازون، اللي ناوية تعمل عالم متكامل حوالين Tomb Raider، يربط الجيمز بالأفلام والمسلسلات.

المسرب المعروف V Scooper كشف شوية تفاصيل مثيرة: اللعبة هتكون عالم مفتوح، وهتشوف لارا وهي بتتنقل بين مناطق ضخمة بالموتوسيكل والمظلة! والأجمل؟ لو كل حاجة مشت تمام، اللعبة ممكن تنزل خلال أقل من سنة.

القصة المرة دي بتبدأ بكارثة طبيعية تضرب شمال الهند، وبتكشف عن آثار وأسرار الإمبراطور أشوكا. لارا هتدخل في سباق مع مجتمع غزاة جداد، مجتمع مستلهم من لارا نفسها، بس عنده أهداف مختلفة تمامًا.

كمان اللعبة هتقدم نظام جديد لتجنيد فرق حلفاء يساعدوك في المهمات، مع خيار للقتال غير القاتل لأول مرة في السلسلة، وده هيديك حرية أكتر في أسلوب اللعب.

اللي زود الحماس، إن فيه تسريبات تانية من Miller Ross بتقول إن تطوير اللعبة بدأ من زمان أكتر مما الناس فاكرة، وإنها هتنزل قبل مشروع Perfect Dark اللي شغالين عليه برضو.

متوقع كمان إننا نشوف الإعلان الرسمي عن اللعبة في حدث Summer Game Fest اللي هيكون يوم 7 يونيو، يعني مش فاضل كتير ونشوف أول تريلر حقيقي 😍